جوز امى انا ....عزة الزرقانى

جوز أمى أنا

تلاتين سنه

قاعد لنا

على قلبنا

يأستنا موتنا

موت فينا حلمنا

لما أتخنقنا

من نارك احنا

بننكوى

حبت هوى

خلاص حرام مافيش نفس

تقلك كبس

كتم مراوح قلبنا

م القصفصه والخصخصه

وكام قضيه ملبسه متلبسه

من ناس بتعلى مخصصه

بالضرب فينا وبالعصا

مُرّك شربنا والقسى

مش رب أسرة

لأ داحنا إسره

وياألف حسره

ف حياة معاصره

عصرانا عصرة

ف أيدين سامسرة

زى الوحوش

ما بيرحموش

ولا يرتاحوش

إلا بمص دمنا

والفقر يبقى عمنا

طب يبقى ليه

طول ما أنت قاعد وسطنا

يشجيك صراخنا ودمعنا

وصعبان عليك

بعدك تفوتنا لوحدنا

فايت لنا

ضلك هنا

يقعد لنا

بعدك كمان تلاتين سنه

يا غلبنا

أمانه يابنى

لو فضيت

تيجى تزورنا ف قبرنا

عزة الزرقانى