احنا بتوع الاتحاد بقلم الاستاذ ابراهيم شعبان

كتب (ابراهيم شعبان ) بتاريخ 22 - 12 - 2009

استغلال الحاله الايجابيه التي عليها نادي الاتحاد السكندري هذة الايام لابد من استغلالها الاستغلال الامثل فألتفاف الجماهير والمحبين بكل ميولهم وارائهم وافكارهم حول النادي ومسوؤلي النادي لابد من استغلاله الاستغلال الامثل لمصلحه النادي ولتكمله المسيرة وعدم الاقتناع او الاكتفاء بنتائج معينه فلابد ان يكون الطموح اكبر من هذا بكثير فسبحان مغير الاحوال منذ اسابيع كانت كل حاجه مالهاش طعم !!تذهب الي النادي تحس ان الوجوم اصاب الكل بسبب سوء النتائج وتحس ان النادي مظلم رغم الاضاءة الكبيرة بداخله وتجد التكشيرة علي كل من تقابله او تحاورة!!!الان اطفؤا الاضاءة بالنادي وستجدوه مضيئا !!وستجد الكل فرح مبتسم والابتسامه لاتفارق شفاه وسبحان الله منذ اسابيع مضت كان لسان حال البعض يقول شيلوا مصيلحي واللي مع مصيلحي اما الان فالكل يدعوا لمصيلحي ويتمني منه الاستمرار واعطاء الاكثر والاكثر للاتحاد ومن هنا اكرر ان نستغل هذة الايجابيات التي عليها النادي واللي سببها بعد فضل الله هو مستوي فريق كرة القدم ونتائجه الايجابيه فلنستغل ان نعلم ان من كان يهاجم من قبل هو اتحاداوي باكي علي الاتحاد ومستوي الاتحاد ومكانه الاتحاد وعراقه الاتحاد وهو نفسه اللي بيدافع الان عن الاتحاد وفرحان بالاتحاد وبيدعوا للاتحاد ومسوؤلي الاتحاد عاوز اقول باختصار علينا ان نعي تماما انه مش شرط اللي ينقد ساعه الاخفاقات يكون تبع فلان وعاوز يوقع النادي ومش بيحب الاتحاد وبيحب فلان يعني الموضوع شخصي بحت ومش معني ان من يدافع وقتها عن رئيس النادي ومسوؤلي النادي ويقول الناس ادوهم فرصتهم فلسه الناس ماسكه النادي حرام نظلمهم ونقول عليهم انهم ناس فشله مش معني كده ان من يدافع يبقا تبع رئيس النادي وحبيب رئيس النادي وصديقه فكل شخص يختلف عن الاخر في طريقه تعبيره عن مشاعرة اوالتعبير عن ارائه او حبه لنادي الاتحاد!!فمنا من لايستطيع ان يري الاتحاد في مركز لايليق به او لايناسب مكانته فيحاول التعبير بشكل هجومي فيتم اتهامه انه تبع فلان اللي هو ضد رئيس النادي !!ومنا من يري ان الهجوم قد ياتي بنتائج سلبيه فيدعوا الي الالتفاف حول رئيس النادي وادارته والوقوف خلفهم والوقوف خلف الفرقه فيتم اتهامه بانه تبع رئيس النادي حقيقي قد حان الوقت ان ننسي هذة الاساليب وهذة الاتهامات فالاتحادويه عمرهم ماكانوا تبع حد غير نادي الاتحاد ويصعب ان نجد اتحاداوي اصيل يقف مع احد الاشخاص ضد مصلحه النادي ومكانته !!! لقد حان الوقت ان نقول لمن يحاول بشكل او باخر اتهام الناس بالباطل بان رصيدك نفذ وليس لك الحق في الشحن لان خطك اتغلي اصلا علينا ان نتمعن فيمن كان يهاجم واصبح الان يدافع وسنستنتج بانه هو هو الشخص لم يتغيركشخص انما مشاعرة واحاسيسه ومشاهدته للواقع دلته بان الحق ان نقف خلف النادي ومسوؤليه عشان نكمل المسيرة الناجحه التي عليها فرقه كرة القدم الان لقد حاولت مرارا وتكرارا بان اقنع هؤلاء سابقا بان يجالسوا رئيس النادي والادارة ويناقشوهم فيما يروه من سلب فكنت اجد الرفض لان حالتهم النفسيه صعبه ولا يستطيعوا ان يجالسوا احد لقناعتهم بانهم لايصلحون للقياده !!!الان هم انفسهم بيدعوا للقياده ان ربنا يوفقهم ويستمروا في دعم الفرقه ودعم النادي ومن كل قلوبهم يتمونا استمرارهم هؤلاء هم محبي الاتحاد حبهم للاتحاد اكبر من اي حاجه وحبهم للاتحاد لم يقترن في يوم من الايام بشخص او شخصيات هما دول الاتحادويه اللي بيقولوا احنا بتوع الاتحاد مش بتوع فلان او علان هي دي اخلاقيات الاتحادويه اللي بيعلنوا بالفم المليان ان حبهم للشخص قد يكون وارد واكيد بس مش علي حساب نادي الاتحاد هما دول الاتحادويه اللي دائما بيقولوا احنا مع اي حد بيخدم نادي الاتحاد فكم نتمني ان تنتهي نغمه ان من ينقد او يهاجم هو تبع فلان لانها اصبحت نغمه ممله سخيفه ليس لها طعم او رائحه او نكهه واصبحت حجه البليد الذي لايستطيع ان يرد او يدافع عن ناديه دفاعا مقنعا مثل هؤلاء من الاتحادويه المخلصين لابد من الجلوس معهم ومعرفه ارائهم ومقترحاتهم والسماع منهم عن سبب هجومهم او نقدهم وقتها لان هذة هي الفرصه المناسبه للحوار فعشان كده بقول نستغل الحاله الايجابيه للنادي .. الناس دي لازم تتشال علي الراس من فوق مش نروح نتهمهم بانهم تبع فلان او علان لان الناس دي بتوع الاتحاد -------------------- رئيس رابطه محبي وعاشقي نادي الاتحاد السكندري