هل تشترى الجرائد اليوميه لتتابع اخبار السياسه .....ام لشىء اخر

ا اولا الله يسمحك يا باش مهندس : حلمى .
انا عندى عيال عايز اربيها بس طلبك منى انى اكتب فى المنتدى السياسى جعل اللعاب يسيل.
وخصوصا ان الاخبار السياسيه لا تنتهى بل على العكس كل يوم بل كل ساعه هناك جديد .
ولذلك فكرت انى اكتب هذا الموضوع ، وهو يتعلق بالسياسه ولكنها السياسه الساخره .
والسياسه الساخره تتميز بانها على الاقل وان قرئها احد المسؤلين ( وده يبقى يوم سعدنا انه فى مسؤل هيدخل الموقع بتاعتا )
ممكن يزعل بس هيموت على نفسه من الضحك ، وطبعا هو ده اللى عايزاه المعارضه.
المهم :- الموضوع بخصوص الجرائد ، ولماذا نشتريها ؟
انا سألت واحد صاحبى السؤال ده فكان جوابه .
علشان لما احب اكل سمك مشوى افرش بيها السفره وتحافظ على (طربيزه السفره) .
اجابه وجيه ولكن ماذا تقرأ من الاخبار قبل ان تضعه على السفره ؟
فقال لى حظك اليوم واخبار الرياضه؟
وعندما سألته عن اخبار السياسه قال لا يوجد فيها فايده ولا جديد؟
فكل يوم نقرأ عن اختلاس فلان الفلانى ، وهروب فلان الفلانى للخارج بعد ان استولى على اموال البنوك ، وفساد
فلان الفلانى ، لكن عمرى ما سمعت عن حبس فلان الفلانى ده خالص .
ثم هى البلد لا يوجد فيها غير فلان الفلانى ، ده الراجل ده اللى اسمه فلان الفلانى زمان عيلته اتبرت منه من عاميله.
هو السبب فى كل المصايب اللى بتحصل للشعب المصرى.
هو السبب فى تدهور حال الموصلات فى البلد.
هو اليبب فى ازمه رغيف العيش.
هو السبب فى البطاله.
هو السبب اللى خلى ام زكى تتطلق من جوزها من بعد ما ابو زكى شافها بتشاور لفلان الفلانى من شباك المنور.

تحياتى
ابن الشاطبى

رائع يا ابن الشاطبى وانا معاك وسكتنا واحدة

الاستاذ ابن الشاطبى اكثر من رائع ونتمنى منه المزيد والتواصل