قارئ إيهاب عصام يكتب: الاتحاد السكندرى والحزب الوطنى

القارئ إيهاب عصام يكتب: الاتحاد السكندرى والحزب الوطنى
السبت, 6 نوفمبر, 2010 - 13:17
صورة أرشيفية

عيب أوى أن الإسكندرية ما يكونش فيها فريق قوى ينافس كل سنة على المراكز الـ3 الأول، إحنا مش أقل من الإسماعيلية، إحنا العاصمة الثانية لمصر، إسكندرية فيها عيال حريفة أوى بس اللى يدور ويكتشف، روحوا أرض الإسعاف وشوفوا العيال اللى بتلعب كورة تلاقوا كنوز، أو حتى روحوا مدارس الابتدائى ونسقوا مع مدرسى التربية الرياضية واسألوا عن المواهب، فيه عيال صغيرة كتير حريفة بس ما يعرفوش إزاى يروحوا اختبارات الأندية بسبب صغر سنهم وبساطة حال أهلهم، والله العظيم فريق الاتحاد الحالى لو جبت عيال من شارعنا ولاعبناهم لنعمل عليهم حفلة، فريق يفتقد لأساسيات الكرة.

هل هناك علاقة بين ما يحدث فى الاتحاد من تدهور من سنة لأخرى وبين الحزب الوطنى؟ من يوم ما دخل الحزب الوطنى الاتحاد على يد عبد الله على حسن لإبعاد زعيم المعارضة الدكتور القاضى الله يرحمه اللى حصل الاتحاد فى عهده على بطولتين لكأس مصر وبعدها حل الخراب وغابت البطولات.