عدد الرسائل : 1068 تاريخ الميلاد : 17/12/1959 العمر : 64 العمل/الترفيه : مهندس تاريخ التسجيل : 25/09/2008
موضوع: بوست خارج الصندوق الجمعة سبتمبر 14, 2018 4:43 pm
بلال متولى بادئ محادثة · ١٨ ساعة السلام عليكم بوست خارج الصندوق كان زمان في مقوله مشهوره الشوط الأول شوط اللعيبه والشوط التاني شوط المدربين لحد ما جه فرانك ريكارد وطور اسلوب الطاحونه واطلقوا عليه تيكي تاكا وحد زي مورينهو اعتمد علي اسلوب الدفاع واللعب علي الهجمات المرتدة واتلغت المقوله دي وأصبح المدرب المتحكم في المباراه من بدايتها لنهايتها بأسلوب اللعب وطريقة الضغط بمعني مدري زي كونتي كان ماسك تشيلسي وبيلعب 343 وبيعتمد علي الدفاع وهجمات مرتده وبرغم أنهم اخدوا الدورى مع كونتي لاكن الجمهور كان مش طايق طريقة اللعب تاني سنه معرفش يحافظ علي شكل الفريق جابو سارى سارى من المدرسه الهجوميه بنفس اللعيبه معادا لاعب واحد جديد حول الطريقه ل433 وأصبح تشيلسي بيهاجم اه الي اتغير هما هما اللعيبه بس فكر المدرب اتغير اذا المهم ان يكون عندك فكر والأهم انك تحفظ اللعيبه الفكر بتاعك انا بقول كدا ليه لأننا بنشوف كل فرق الدورى المصرى كل مدرب وليه فكر جروس بيلعب 4231 . حتي كابتن طلعت طور فكره مع المقاصه وأصبح بيدافع من تلتين الملعب فكرة اني ادافع من اخر تلت في الملعب اصبحت موجوده بس في أضيق الحدود سيميوني مدرب الاتليتك ومعروف أن الاتليتك بيلعب دفاع بيدافع من نصف الملعب بس مش قصاد كل الفرق لا طبعا ومع ذلك لما بيمتلك الكوره بينقل ويستحوز زي منتخبنا نفس اللعيبه مع كوبر بيلعبوا دفاع والشعب كان ناقص شويه ويكفر بسبب طريقة اللعب جه أجيرى لعب هجوم الي عاوز أوصله أن المدرب حاليا اصبح نصف الفريق شوفوا جوارديولا بيعمل اه في الفرق الي بيمسكها اه بيصرف فلوس كتير جدا لاكن اكيد بيكسبوا فلوس اكتر